Vinnarin av
Helene Elsass virðislønini 2021

Hvat er Cerebral Paresa?

Nýggjur kunnandi filmur frá CP Føroyum, í samstarv við Rógva Langaard

Hvat er CP?

CP er ein stytting fyri Cerebrala Paresu, og varð hetta ofta fyrr kallað spastiskt lamni, og vórðu tey við CP kallað spastikarar. Cerebral merkir heili og Paresa merkir lamni.

Cerebral Paresa stavar frá einum skaða í heilanum, sum kann koma í móðurlívi, undir føðing ella hjá nýborna barninum. Heilaskaðin kann standast av ov tíðliga føðing, bløðing, smáum blóðtøppum, ilttroti ella smittu, men ofta verður orsøkin ongantíð staðfest.

Tær kropsligu fylgjurnar av heilaskaðanum eru ofta sjónligar, men heilaskaðin kann eisini geva aðrar týðandi kognitivar avbjóðingar sum t.d. trupulleikar við læru, hugsavnan og máli.

Menniskju við Cerebralari Paresu er sera fjølbroytt og ymisk, eins og onnur í samfelagnum. Tað merkir, at um tú hevur møtt einum persóni við Cerebralari Paresu, so hevur tú møtt einum!

Hvørji eru vit?

CP Føroyar er heitið á áhugafelagnum (fyrrverandi “Spastiskarafelagið”) fyri føroyingar við diagnosuni cerebral paresa (CP) ella líknandi lamningi og onnur áhugað. 

CP Føroyar ynskir at vera upplýsandi og stuðlandi viðvíkjandi CP, bæði fyri einstaklingin við CP, teirra familju og fakfólkini kring tey. Umframt hetta, ynskir felagið at hava ein aktivan og jaligan leiklut í almenna kunnleikanum um og fatanini av CP í Føroyum.

Tíðindi