CP Føroyar, Sjúkrahúsverkið og Almannaverkið hava avgjørt, at í 2022 skal serligt fokus setast á førleikamenning í samband við habiliteringina hjá børnum við Cerebralari Paresu. Tí er eitt samstarv sett í verk við Elsass Fondin í Danmark, hvørs endamál er, at betra um kvalitetin og samanhangin í habiliteringsinnsatsinum.
Elsass Fondurin, sum er ein granskingar- og vitanardepil fyri menniskju við CP, kemur tí til Føroyar og bjóðar temadagar til fakfólk og familjur í mai og novembur 2022.
Tilboðið koyrir á tveimum sporum:
- Førleikamenning til fakfólk gjøgnum temadagar og workshops um nýggjastu vitanina innan CP og neurohabilitering. Talan er um 4 heilar dagar í 2022.
- Eitt familjutilboð við 2 temadøgum fyri foreldur og einum aktivitetsdegi fyri alla familjuna, umframt møguleikan fyri familju-uppihaldi í Elsass Fondinum í Danmark. Byrjað verður við einum temadegi 31.05.22 og endar við einum temadegi 01.11.22 og aktivitetsdegi 02.11.22. Les meir um familjutilboðið her
Tema- og workshopdagarnir eru ókeypis og verða í hølum á Landsjúkrahúsinum.
Trýst á knøttarnar niðanfyri og síggj innbjóðing og skrá fyri allar dagarnar, umframt eina verkætlanarfrágreiðing.
Hava tit áhugað í at luttaka ella hava spurningar eru tit vælkomin at seta tykkum í samband við Katrin Jacobæus á katja@ls.fo ella á telefon 304641. Tilmeldingin fer fram við at skriva til: plb@elsassfonden.dk . Tilmeldingarfreistin er 10.05.2022.
