Vísir {{page * page_size + 1}} - {{ page_size * (page+1) }} av {{ no_hits }} úrslitum
Skúlagongd, tá barnið hevur Cerebralari Paresu
Tá barn títt við Cerebralari Paresu skal byrja í skúla, eru nógvar væntanir til – og møguliga eisini stúranir fyri – hvussu tað fer at ganga. Skúlin er ein av teimum stóru umskiftunum í lívinum hjá barninum – og tað kann verða eitt stórt skifti í mun til lívið í barnagarðinum. Skúlin er ein nýggj verð við nýggjum avbjóðingum, men eisini við nýggjum møguleikum.
Fyrireikingar Upplýsing Kognitiv avbjóðing Hjálpartól Innskúling Millumskúli Útskúling Neurosálarfrøðilig kanning
Hvønn skal eg seta meg í samband við, tá barn mítt skal byrja í skúla og hevur tørv á hjálp?
Um barnið gongur á dagstovni, so kunnu tey skipa fyri einum fundi við skúla, frítíðarskúla og møguliga eisini Sernámi, og har tit foreldur eisini luttaka.
Hvussu veit eg, um barn mítt er klárt at byrja í skúla?
Um barnið gongur á dagstovni, gera námsfrøðingarnir á stovuni eina meting av, um barnið er til reiðar at byrja í skúla ella um barnið møguliga skal útseta skúlabyrjanina. Tað eru tó tit sum foreldur, sum taka avgerð um, um barnið skal byrja í skúla ella bíða.